Aq-Car-Saj

Түрк тилдеринин бардык булактарында "ак" топоформанты – "ак" дегенди билдирет. Башка маанилери – чынчыл, таза, күнөөсүз, чыныгы, туура. Дарыяларга жана сууга карата мааниси – агуу, агып өтүү, агын суу, мөңгүлөрдүн эришинен пайда болгон бозомтук; тез агымдан улам пайда болгон чачырандылардан жана көбүктөн ак; дарыядагы суунун болушун жана көлөмүн көрсөтөт – жайында соолуп калуучу, суусу аз.

Кыргызстан топонимиясында активдүү колдонулат - жар, аска, тик жээк.

Байыркы түрктөр таштак түбү бар тоо дарыяларын белгилөө үчүн сай (saj) — «таштак жер» деген сөздү колдонушкан [МК, т. 3, б. 173], ал азыркы географиялык номенклатурада да «дарыянын кургап калган нугу», «шагыл», «сайроон» деген маанилерде көп колдонулат.