Кызыл-Омпол

Топонимияда "кызыл" түсү түшүнүгүндө эмес, географиялык түшүнүктөрдө - дүйнөнүн тараптары, багыттар, жайгашкан жерлер маанисинде колдонулушу мүмкүн. Көлдөрдүн жана дарыялардын аталыштарында "кызыл" сын атоочунун башка мааниси - "тайыз, терең эмес" деп белгиленет.

Омпол, бул сөздүн м тыбышы түшүп айтылгандагы формасы опол — башкалардан айырмаланган эң чоң, бараандуу деген маанини берет. Эл арасында бул сөз омполдой болгон неме, ополдой болгон неме, опол тоодой неме, опол тоодой күчү бар деген сыяктуу сөз айкалыштарында учурайт. [Исаев Д.]